Москва ошожо ябаһан совет тусхай техникын колонна Буряадай түб хотодо ойро зуура тогтобо. Олон тоото хуушан сагай унаанууд ажалай алдар солын Комсомольск-на-Амуре хотоһоо Москва руу зоринхой. «Эсэгэ ороноо хамгаалгын Агууехэ дайнай хатуу шэрүүн жэлнүүдтэ байлдаанай үедэ алдалан унаһан нютагаархидтаа» гэһэн дурасхаалай хүшөөгэй хажууһаа Космонавтикын үдэр «Ну, поехали!» гэһэн Юрий Алексеевич Гагаринай уряа доро унаануудай зам эхилээ.Холын замда Дотоодын хэрэгүүдэй яаманай 80-аад онуудай тусхай албануудай унаанууд шэлэгдээ. Үүсхэл гаргагшадай бүлэг СССР-эй түймэр саралгын албанай,сагдаагай харуулай унаануудаар ябана. Эгээл һүүлдэ – совет милициин алба хаагшадай мотоцикл.
Эсэгын дайнай Илалтын үдэр – майн 9-дэ тус колонна Москва хүрэхэ түсэбтэй.
