Ээлжээтэ хэлсээн баталагдаба. Һаяын үдэрнүүдтэ Доржо Банзаровай нэрэмжэтэ Буряадай гүрэнэй ехэ һургуули, «Буряад ТВ» субаг суг хамта ажал ябуулха тухай хэлсээ баталба. Тус хэлсээнэй зорилго хадаа, нэн түрүүн, буряад хэлэн ба уран зохёол, буряад арадайнгаа соёл, түүхэ сахин хүгжөөхын талаар хамтаран ажалаа ябуулга болоно. Мүн лэ үшөө нэгэ зорилгонь хадаа Буряад ТВ субагта буряад хэлэн дээрэ бэшэдэг мэргэжэлтэдые бэлдэлгэ. Буряадай гүрэнэй ехэ һургуули дүүргэһэн оюутад мүнөөшье «Буряад ТВ» субагта ажаллана. Мүнөө дээрээ тэдэнэй тоо арба гаран болонхой, энэ хэд бэ гэбэл, сурбалжалагшад, эрхилэгшэд, дэлгэсэй зураг буулгагшад гэхэ мэтэ. Хэлсээ баталжа, саашадаа урагшатайгаар ажалаа ябуулжа байбалнай, залуу һүрэгнай үшөө ехээр буряад хэлээрээ, соёлоороо һонирхохо байха гэжэ найдагдана. Буряадай гүрэнэй ехэ һургуули саашадаашье телевиденидэ хабаатай мэргэжэлтэдые бэлдэхэ үүргэеэ дүүргэһээр лэ байха юм ааб даа. Гэхэтэй хамта тус һургуули гансашье энэ талаар бэшэ, харин бэшэшье ондоо шэглэлнүүдээр хани барисаагаа бэхижүүлхэ, ажалаа ябуулжа байха һанаатайшье, аргатайшье гэжэ һануулнабди.
News
Бултыень хараха
17 мая
29
17 мая
37
16 мая
63
16 мая
149