Эдеэнэй хуйха амһартанууд, һаршагар саарһанууд, бүтылхэнүүд, тэрэнэй жэжэ, томо хабхагууд, эгээл аюултай, тармуурта торолдомо хуурай хагдан. Улаан-Үдэ хотодо һүүлэй долоон хоногой туршада гудамжануудые, хүүгэдэй наададаг, зоной амардаг газарнуудые сэбэрлэлгын ажалнууд эмхидхэгдэбэ. Жэл бүри намарай болон хабарай сагта бог шорой суглуулжа, хотынгоо шарай һайжаруулгын ажал хэгдэдэг гээшэ ааб даа. «Юбилейный» гэһэн Пушкинай нэрэмжэтэ хотын багахан сэсэрлиг Улаан-Үдэ хотын һунгамалнуудай зүблэлэй лаблагдаһан газар.Тиимэһээ зүблэлэй хүдэлмэрилэгшэд уларилай дулаан болохотой сасуу тармуур, мэшээгүүдээ барижа, ажалда гарадаг заншалтай. Уласай, Улаан-Үдэ хотын, оршон тойронхи байгаалиин байдал гансал бидэнһээ, өөһэдһөөмнай дулдыдадаг ха юм. Тиимэһэ ажаһуугша бүхэнэй бог нобшоёо зүглэһэн лэ  газартаа хаяхаа болибол, мүн лэ ургажа ябаһан багашуулдаа заажа байбалнь, ойро тойронхи газарнай бүхыдөө нюдэндэ уринаар, зохидоор харагдаха болонол даа.