Энэ үдэрнүүдтэ Улаан-Үдэдэ соёлой талаар ехэ баяртай ушар болоо, абьяас бэлигтэй аяншалагша, шэнжэлэгшэ Гомбожаб Цыбиковэй гэр-музей тайлдаба. Тэрэ юугээрээ мэдээжэ болоһон бэ гэхэдэ, хоригдоһон Түбэд орониие бүхы дэлхэйдэ мэдүүлһэн юм. Гомбожаб Цыбиковэй гэр Үбэр-Байгалай хизаарай Агын аймагһаа мэдээжэ суглуулагша, меценат Лев Бардамов асаржа, шэнэдхэн hэргээгээ. Энэ гэр соо дэлгэгдэһэн зүйлнүүд хадаа ном соохи шэнгеэр Гомбожаб Цыбиковэй наһые удаа дараалан харуулна. Бүхы юумэн – бэшэгүүдшье, номуудшье байг, булта хүн бүхэниие тэрэ үе руу шэнгүүлнэ. Гомбожаб Цыбиковэй гэр-музейн болон бюстын нээлгэдэ тэрэнэй нютагаархид, түрэлхид Агын аймагһаа ерэһэн байна. Нээлтын баяр ёһололдо уласаймнайшье мэдээжэ зонууд,айлшад олоор суглараа, тэрэ тоодо уласай соёлой сайд Соелма Дагаева. Гомбожаб Цыбиковэй гэр-музей Лев Бардамовай «За Удой» гэһэн комплексдо нээгдэбэ. Эндэл уласайнгаа бусадшье мэдээжэ хүнүүдэй гэрнүүдээр һонирхоходо болохо.