Буряадай үндэһэн маягтай зүүдхэлнүүдые һүүлэй үедэ зон элбэгээр хэрэглэдэг болонхой. Зүүдхэлнүүд дүрэдэ онсо шэнжэ нэмэнэ, үндэһэтэнэй холбоо онсолхо арга олгоно. Мүнгэн эд хэдэн зуун жэлэй туршада хүнтэй суг зэргэ ябана –  һахюуһан, гэр бүлын шүтөөнэй тэмдэг болон гоёлой зүйл болоно. Мүнөөшье иимэ гоёлтонууд үнэ сэнгээ алдаагүй. Эдэниие дархалдаг урашуулай нэгэн хадаа Маргарита Цыретарова.

Дарханай ажалнуудта гуу, һиихэ, бугааг, зүүдхэл, толинууд гэхэ мэтэ угсаата маягтай гоёлтонууд ородог, тэдэниинь байгаалиин элдэб шулуунуудаар  шэмэглэгдэнхэйнүүд. Зүүдхэлнүүд доторнь олон зуун жэлэй буряад ёһо заншалнууд гамтайгаар сахигдажа  бэелүүлэгдэнэ.

Мүнѳѳ уласай «Бизнес-Инкубатор» түбтэ эмхидхэгдэжэ байһан «Сделано в Бурятии» гэһэн яармагта Маргарита Цыретаровагай бүтээлнүүдтэй танилсаха аргатайт. Тус яармаг январиин 15 болотор үргэлжэлхэ. Тэрэ хадаа «Эффективная и конкурентная экономика» гэһэн үндэһэтэнэй түсэлэй хэмжээндэ Буряад Уласай үйлэдбэриин, худалдаа наймаанай ба хүрэнгэжүүлгын яаманай болон «Мой бизнес» гэһэн түбэй дэмжэлгээр үнгэрнэ.