Улаан-Үдэдэ «Сделано в Бурятии» гэһэн яармаг ажаллажа эхилбэ.Эндэ нютагай үйлэдбэрилэгшэдэй, уран гартанай болон олзын хэрэг эрхилэгшэдэй бүтээлнүүд дэлгэгдэнхэй. Хотын ажаһуугшад болон айлшад манай уласта юун бүтээгдэнэб гэжэ танилсаха аргатай.
Яармагта сагаан болон мяханай амтан эдеэн дэлгэгдэнхэй, зүгын бал, пастила, шэмэг зүүдхэлнүүд, гэрэй эд бараан, үндэһэн хубсаһан ба гутал, һэеыгээр хэгдэһэн шухаг бүтээлнүүд, хубсаһа хунар, гарай бэлэгүүд болон бусад олон зүйлнүүд дурадхагдана.
«Сделано в Бурятии» яармаг январиин 15 болотор үргэлжэлхэ. Тэрэ «Эффективная и конкурентная экономика» гэһэн үндэһэтэнэй түсэлэй хэмжээндэ Буряад Уласай үйлэдбэриин, худалдаа наймаанай ба хүрэнгэжүүлгын яаманай болон «Мой бизнес» гэһэн түбэй дэмжэлгээр үнгэрнэ.
