Октябрь һарада улас дотор заншалта болоһон Буряад хэлэнэй габшагай һара эхиеэ абанхай. Энэ ушараар Буряадай гүрэнэй ехэ һургуулида «Буряад хэлэнэй үдэрнүүд» гэһэн хэмжээ ябуулгын нээлтын баяр ёhолол үнгэрбэ.

Жэл бүри Буряадай гүрэнэй ехэ hургуули габшагай hарын үедэ «Эрхим буряад» гэhэн hурагшадай болон оюутадай дунда буряад хэлээр ба соёлоор онлайн мүрысөө эмхидхэдэг, гадна интерактивна талмай дэлгэдэг. Тэндэ элдэб буряад наадануудые, hонирхолтой мэдээсэл бэлдэжэ, оюутад болон багшанарта дамжуулдаг.

Интерактивна талмай болон мүрысөөнүүдhээ гадна буряад хэлэнэй габшагай hарын үедэ Буряадай гүрэнэй ехэ hургуулиин номой санда Оросой арадуудай нэгэдэлдэ зорюулагдаhан сэдэбээр номуудай үзэсхэлэн дэлгэгдэбэ.

Габшагай һара хадаа Буряад ороной соёлой баялиг бэхижүүлгэдэ, ургажа ябаһан залуу үетэнэй дунда түрэл хэлэндээ һайн хандаса хүгжөөлгэдэ хубитаяа оруулһан удха шанартай үйлэ хэрэг болоно