Ага тосхон дээрэ хоёр үдэрэй туршада Буддын шажанай ехэ хуралдаан үнгэрөө. Энэ хэмжээ ябуулга Агын дасанай 7-дохи шэрээтэ Ёнзон багшын - Лубсан-Доржи Данжиновай түрэһөөр 200 жэлэй ойдо зорюулагдаа. Эндэ Оросой хэдэн можо нютагуудһаа айлшад буужа ерээ, мүн хүршэ Монгол ба Хитад гүрэнүүдһээшье байгаа. Энэ ехэ хуралдаанда хэн хаанаһаа буужа ерээб, ямар зорилготой ерээб гэжэ бидэ асуугаабди.