Буряад арадай бүхэ барилдаан хадаа хүнэй шуранаа, дүрэеэ, арга мэхэеэ харуулха гэһэн гуримтай байдаг.
Буряадай гүрэнэй хүдөө ажахын академиин 95 жэлэй ойн баярта зорюулагдажа, «Залуушуулай барилдаан» гэһэн бүхэ барилдаанай нээмэл мүрысөөн үнгэрбэ. Эрхимэй нэрэ зэргын түлөө 2003 онhоо доошо түрэһэн, зуун дүшөөд оюутад ба hурагшад барилдаба.

Тус академи дүүргэһэн, нэрэтэй солотой барилдаашад болохо Батор Гармаев Зоригто Цырендондопов хоёр өөһэдын тусхай шангуудые тогтооһон байна.
 
Сэлэнгын аймагай Ноёхон һууринда барилдажа эхилһэн Эрдэм Болхоев энэ мүрысөөндэ түрүүшынхиеэ хүсэ шадалаа харуулба.   

Технологиин факультедэй оюутан Аюр Нимаев энэ удаа мүрысөөнэй абарга болобо, тэрээндэ хун сагаан хонин бэлэг барюулагдаа. «Залуушуулай барилдаан» гэһэн бүхэ барилдаанай нээмэл мүрысөөн хадаа дэлхэйн буряадуудай Алтарганын нааданда бэлэдхэл болобо гээшэ.