Хүгжэм, хатар ба урлалда дуратай байһанһаа нэгэдэһэн хэдэн мянган хуби заяан. Чайковскийн нэрэмжэтэ урлалай колледж 95-тай болобо. Ойн баярта дашарамдуулан, колледж уласайнгаа соёлой мэргэжэлтэдые болон ажалай ветерануудые суглуулаа. Буряад Уласта мэдээжэ багша, хормейстер, наһанайнгаа 40 гаран жэлы колледждо зорюулһан Вера Мантатова «Энэ минии хоёрдохи гэр!» гэжэ тэрээн тухай дулааханаар дурсана.
Зуун жэлэй шахуу түүхэдэ колледж үндэһэн урлалай һалбарида мэргэжэлтэдые бэлдэхэ шухала түб болонхой. Тэрэниие түгэсхэгшэд – Буряадай соёлой алтан жаса гэхэдэ, алдуу болохогүй.
Үнэхөөрөө, колледждо омогорхохо юумэн олон. Гэбэшье ойн баяр гээшэ ганса дүн гаргаха саг бэшэ, харин шэнэ зоригтой түсэбүүдэй эхин саг юм.
Энэ ойн баярые Урлалай колледж угтахадаа, элинсэгүүдэйнгээ уг баялигые гамтайгаар сахижа, шэнэ одо мүшэдые носооһоор лэ. 95 жэлэй үнгэрбэшье, уласай эгээл урданай һуралсалай эмхи үшөө хүсэ орожо байна.
