Буряад үндэhэн хубсаhа оёхо гээшэ тиимэшье бэлэн хэрэг бэшэ. Жэшээлбэл, hамган тэрлиг оёходоо, нэн түрүүн, зохид бүд шэлэжэ хэблээд, удаань хормойнь хуняаhа суглуулха. Уран гартай Сарюна Цыренова ажалдаа ехэ харюусалгатайгаар хандажа, үглөө бүриеэ оёдолhоо эхилдэг.

Үнэхөөрөөшье, Сарюна урлалда дуратай, зураашанай мэргэжэлтэй бүлын одхон басаган юм. Абань – уран дархан, эжынь – зурагай багша, аха, эгэшэнь булта бүлөөрөө хамhажа ханза, гунгарбаа бүтээдэг, Агын аймагтаа суутай зохид айл юм. Гэбэшье Сарюнын нүхэр алташа дархан мэргэжэлтэй. Үнгэржэ байhан ондо Сарюна Булат хоёр ниигэмэй хэлсээнэй хабаадагшад боложо, олзын хэрэг эрхилжэ эхилһэн түүхэтэй. 

Жэлэй эхинһээ хойшо уласаймнай 2 мянгаһаа дээшэ ажаһуугшад «Ниигэмэй хэлсээн» гэһэн түсэлдэ хабаадажа, 420-ёод сая түхэригэй гүрэнэй дэмжэлгэдэ хүртөө. 

Сарюна ямаршье, нэрлэбэл, хори, хонгоодор, эхирэд гү, буряад дэгэл, малгайнуудые захилаар оёжо бүтээдэг. Арадтаа эгээл хэрэгтэй болохо үндэhэн хубсаhа захилаар оёжо, шэмэглэжэ байдаг уран залуу бүлөөр омогорхомоор лэ. Юрэ, Буряадай Хүн зониие ниигэмэй талаар хамгаалгын яаман соёл, ёhо заншал дэлгэрүүлхэ зорилготой түсэлнүүдые ехэтэ дэмжэдэг юм.