Исай Калашниковай нэрэмжэтэ номой һанда ээлжээтэ «Сэсэн наадан» гэhэн квиз ʏнгэрбэ. Энэ наадан «90-ээд онуудай» сэдэбтэ зорюулагдаа. Уласаймнай хэдэн аймагуудай түлөөлэгшэд энэ нааданда нилээд ухаан бодолоо хүдэлгэн мүрысэбэ.

Иишэ ехэнхидээ буряад хэлэндэ дуратайшуул ерэдэг. Зариманиинь түрүүшынхиеэ, зариманиинь хэдэн дахиншье  хабаадахаяа ерэһэн зон байха.

Шата бүхэниинь ехэл һонирхолтойгоор үнгэрөө. Тус хэмжээ ябуулга хүтэлэгшэнь тон онсо оршон байгуулжа шадаа, тэрэнэй ашаар энэ үдэшэ ёһотойл һайнаар, мартагдашагүйгөөр үнгэрһэн байна. 

Энэ түсэл хадаа оюун ухаанай сүлөө саг хүгжөөлгэдэ ба үргэн харагшадай дунда буряад хэлэ дэлгэрүүлгэдэ шэглүүлэгдэнхэй.