Үнгэрэгшэ зун Багдарин тосхондо тамирай шэнэ комплекс нээгдээ. Энэ ехэ барилга хадаа «Кардинал» гэһэн алта олзоборилдог үйлэдбэриин дэмжэлтээр бүтээгдээ. Эндэ үдэр бүри үглөөнhөө үдэшын 10 саг болотор, тосхоной үхибүүд, залуушуул бэеэ һорино.  

Ехэшүүлшье тамирай шэнэ ордон руу ерэжэ, ажалайнгаа һүүлээр бэеэ һорихо аргатай болоо. 

Эндэ бусад аймагуудта орходоо, үбэлэй сагта хүйтэхэн байдаг гэжэ мэдээжэ. Тиигэбэшье нютагай эрэшүүл үдэшэлэн булта сугларжа, хоккей наададаг. Энэ ушар Баунтын аймагаархидай тамирта дуратай байhаниие гэршэлнэ.