Түрэл хэлэеэ шудалжа, буряад сэдьхэл түрүүлхэ гэһэн зорилготойгоор гурбан жэлэй саана Сурена Бандеева хоёр хүүгэдөө “Амар мэндэ!” гэһэн түб асаржа, һургуулида үгэһэн байна. 

2017 ондо “Амар мэндэ!” түбэй байгуулагдаһанһаа хойшо мэргэжэлтэд таба мянга шахуу эдиршүүлые, ехэшүүлыешье буряад хэлэндэ һургаа. Хэлэ бэшэг үзэхэһөө гадна, һурагшад дуу хатараар бэлигээ мүлинэ.  

Буряад Улас дотор һуралсалай шэнэ жэл эхи абажа, түбэй багшанар түсэбөө согсолбо. “Амар мэндэ!” түб дахяад үүдэеэ сэлибэ. Улаан-Үдэ хотын ажаһуугшадай һонирхол татажа, элдэб янзын хэмжээ ябуулгануудые эмхидхэнэ. Тэрэнэй тоодо буряадай мэдээжэ дуушадай, хүгжэмшэдэй, зүжэгшэдэй, хатаршадай болон бусад мэргэжэлтэдэй хабаадалгатайгаар үнгэрхэ.  

Вячаслав Пурбуев буряад хэлэеэ хүсэд мэдэхэгүй ушарһаа «Амар мэндэ!» түбэй нээмэл үдэртэ хабаадаа. Тэрэ хатарай, дуунай, буряад хэлэнэй мастер-классууд ехэ һайшаагдаа гээд хэлэнэ. 

Түхэреэн жэлэй туршада хэшээлнүүдтэ ябажа, түрэл хэлэн дээрээ удаадахи уулзалгадаа заабол хөөрэхэб гэжэ тангариглаа.