Музейн шэнэ байшанай барилга байгша оной февраль һарада эхилээ гээд һануулая. Уласай ажаһуугшад, мүн музейн мэргэжэлтэд энэ хэрэг ехэл удаан хүлеэгээ.
Буряад арадай соёлой хүгжэлтэдэ шухала нүлөөтэй ушарһаа, барилга тусхай ёһололой шугамаар эмхидхэгдэнэ. Үдэ, Сэлэнгэ хоёр мүрэнүүдэй уулзуур дээрэ табан дабхартай байшанай һуури табигдажа, хана, бахананууд бодхоогдохонь. Музейн байшанай дүрсэ сэсэгэй түхэлтэйгөөр бүтээгдэнэ, уужамынь 15 мянган дүрбэлжэн метрэй байха. Мүнөө дээрэ Үндэһэтэнэй музей ха даа Буряад Уласай соёлой гайхамшагта, дурасхаалта зүйлнүүдэй нэгэн гээшэ. Музейн жасада түүхын ба уран һайханай хоморой суглуулбаринууд хадагалагданхай.
Буряадай үндэһэтэнэй музейн барилга Оросой юрэнхылэгшэ Владимир Путинай заабаряар, Улаан-Үдэ хотын хүгжэлтын тусхай түсэбэй шугамаар ябуулагдана. Энэ хэрэгтэ 1 миллиардһаа үлүү мүнгэн гаргашалагданхай. Музейн шэнэ байшанай барилга 2026 оной эхиндэ түгэсэжэ, мэргэжэлтэд үзэсхэлэнүүдээ эмхидхэжэ эхилхэбди гээд найдана.
