Элдэб яhатанай дуу хатар дэлгэжэ, арадай «Репка» онтохониие зүжэг болгоод зургаан хэлэн дээрэ харуулжа, Оросой арадуудай түрэл хэлэнэй үдэрые анха түрүүшынхиеэ Арадуудай хани барисаанай байшанай дэргэдэ үргэн дэлисэтэйгээр тэмдэглэбэ.
Буряад Орондо буряад, эвенк, hоёд болон ород арадуудhаа гадна татар, армян, солонгос, кыргыз, узбек, таджик гэхэ мэтэ арадууд нютагжажа ажаhуудаг. Бүхы hайндэрнүүдые арадууд эдэбхитэйгээр хамтаржа тэмдэглэдэг. Орос гүрэн дотор сентябриин 8-да Арадуудай түрэлхи хэлэнэй үдэр гэжэ нёдондо гүрэнэй Юрэнхылэгшын зарлигаар баталагдаhан юм. Энэ үдэртэ бүхы гүрэнэй арадууд түрэл хэлэн дээрээ элдэб талмайнуудаар диктант бэшэнэ.
Арадуудай түрэлхи хэлэнэй үдэр сентябриин 8-да гэжэ совеэд засагай үеын, аваар уран зохёолшо Расул Гамзатовай түрэhэн үдэртэ дашарамдуулагдажа баталагдаhан байна.
