Буряад Улас дотор зоной ой тайгын эзэнтэй дайралдаха ушар элбэг болоод байна. Байгша ондо баабгайнуудай зон руу гаралга аяар 74 дахин бүридхэлдэ абтаhан байна гэжэ Буряадай байгаали хиналгын албан мэдээсэбэ. Ой тайгын эзэн ехэнхидээ Ивалгын, Байгал-шадарай, Кабанскын болон Баргажанай аймагуудта элбэгээр дайралдана. Илангаяа Улаан-Үдэ хотын захын тосхонуудта гадна Дээдэ Онгостойдо ажаhуугшад хараhан ушараа холбоо сүлжээнүүдтэ дуулгана. Ажаһуугшадые хамгаалхын тула баабгайн ангуушадай 24 бригада нютаг можонуудаар таража үдэр hүнигүй ажаллана. Үлэн баабгайнууд бог нобшын болон эдеэнэй үлдөөсэ, орхисооной буусануудта жэмэс бэдэрэн ябана. Ой тайгын эзэниие ерүүлхэгүйн тула үлэгдэлнүүдтэй амһартануудые бүхөөр хааха, гэрэй амитадай тэжээлэй үлэгдэлнүүдые сэбэрлэхэ, үшөө тиихэдэ сарай болон ургамал таридаг байраяа суургада хааха. Гэбэшье, hархяаг, жэмэс суглуулха гэжэ ой тайга руу гарахагүй, гэртээ hуужа бэеэ наринаар сахиха хэрэгтэй.