Наһанайнгаа амаралтада гарахадаа, хүн ажабайдалаа зохидоор түхеэржэ, өөрын шэнэ талануудые нээхэ арга боломжотой байдаг. Энээниие хабаадагшад «Эдэбхитэй ута наһан» гэһэн уласай фестивальда үшөө дахин гэршэлбэ. Бэеын соёлой, тамирай ордондо хотын болон аймагуудай таһагууд аха наһатанай бүтээлнүүдые дурадхаа. Мүн лэ эндэ тамирай мүрысөөнүүд, тоглолто үнгэрөө, яармагшье  дэлгэгдэһэн байна.

Наһатай болоходоо, хүн сэсэн ухаатай, холын хараа бодолтой болодог гээшэ ааб даа, харин энээнээ хайшань шэглүүлхэеэ, таанар, өөһэдөө шэлэхэ болонот, юуб гэхэдэ, саашадаа сагаа һонирхолтойгоор үнгэргэхэ түбүүд уласаймнай аймаг бүхэндэ бии ха юм. «Главное, ребята, сердцем не стареть» гэжэ суута ород дуун соо хэлэгдэһэн үгэнүүдые һанан, хододоо сэдьхэлээрээ залуухан зандаа ябахаяа оролдогты!