Заншалта ёһоороо, хабаадагшад эндэ 3, 10, 21, 42 км-рай болон «Экидэн» зайда урилдаба. Хүгшэн, залуугүй зон харгыда гаража, гэр бүлөөрөө, нүхэдөөрөө, тамиршадаараа гүйлдэнэ. Иигэжэ бэеэ hорижо байхадаа бэеэ татаад, шанга баряад, элүүр мэндэ ябанабди гэнэд.

Жэлhээ жэлдэ хабаадаха дуратайшуулай тоо олон болоhоор. Жэл бүри элдэб гүрэнүүдһээ зон Байгалай эрьедэ суглардаг, энэшье удаа аяар холын хүндэтэ айлшад мүн лэ буунхай. 
Улаан-Баатарай хүнгэн атлет - Гансухын Бат-Эрдэнэ аяар 3-дахияа тус  марафоной илагша боложо тодороо.

Сэбэр Байгалай эрьедэ дахинаа хани барисаанай, тамирай ехэ һайндэр болобо гээд тэмдэглэлтэй. Тус марафонай һайгаар жэлhээ жэлдэ тамирта дуратайшуул сугларжа, Байгал далайда хүндэеэ мэдүүлнэ гээшэ.