Буряад Уласта «За медицину здорового долголетия» гэһэн  нютаг можын хүдэлѳѳнэй зүблѳѳн Буряад Уласай Засагай газарта үнгэрбэ. Иишээ элдэб эмхи зургаануудай түлѳѳлэгшэд ерэжэ, яагаад ами наһа хамгаалхаб, ута наһа наһалхаб, элүүр энхые сахиха тухай зүбшэн хэлсэбэ.

 Улас дотор эмхи зургаануудай ажалшадай дунда элүүрые хамгаалгын элдэб хэмжээ ябуулганууд, мүрысѳѳнүүдшье үнгэргэгдэжэл байдаг, ажал дээрээ тэдэ элүүр энхэ оршон байдал байгуулхые оролдодог.

Тус хүдэлѳѳнэй гол зорилго хадаа хүдэлмэрилэгшэдэй бэеын, сэдьхэлэй байдалай элүүр энхэ байлга, мүн баһа бэе махабадтаа харюусалгатай хандаса бүрилдүүлгэ болоно. Наһанһаа гү даа, али, ажаһуудаг газарһаань дулдыдангүй, эдэбхитэй ажабайдал бүхы ажаһуугшадта дадалтай болохын тула эрмэлзэхэ хэрэгтэй. Шэнэ хүдэлѳѳнэй программанууд уласай бүхы хото, аймагуудаар ажалаа ябуулха.